什麼人七個月時間可以有八套劇上電視？《超時空男臣》中，王君馨飾演的汪以珊（即是太子妃）有一個傻乎乎的助手叫Ceci。觀眾們有留意的話，2017年無線黃金檔期已經播放了的13套自家劇集，她足足出現了8套，這個紀錄的確是沒有對手，包括：《味想天開》、《乘勝狙擊》、《與諜同謀》、《我瞞結婚了》、《全職沒女》、《心理追兇》、《不懂撒嬌的女人》和《超時空男臣》，就連《愛·回家之開心速遞》都有她的影子。

雖然當中有一半都是跑龍套角色，不過真是十分動力。可惜未必所有人都記得她的名字，早在2007年便出道，當年在遊戲節目《味分高下》中以「味之天使」草莓的身份跟大家見面，其實她叫周麗欣(Doris)。

這個助手「傻傻哋咁」，惹人好感。（網上圖片）

入行九年，頭三年在無線拍劇基本上都是跑龍套，直到近年才開始多點機會做女配角，不過依然未有特別令人深刻的角色。做主角？看來還是很遙遠，不過並不代表Doris失去瞭望想，在接受訪問時她說：

同你講無諗過系呃人！入行9年期間，講真一定有諗過自己可以做主角，只系欠運氣欠機會！入行初期有埋怨過公司點解唔俾我更有發揮嘅角色同點解唔俾機會我。因為咁2010年覺得喺公司無機會，曾經離開TVB，簽約出面經理人公司，組成五人女子跳舞組合Lacee Lacey，希望搏取一個成名機會，成名後可以爭取到更好更有發揮的角色，甚至女主角。

因此劇與君馨成為了好朋友。（周麗欣Instagram）

然而組合尚未出碟便遭解散，同為組合成員的林泳淘和阮兒也繼續在無線等機會，Doris續說：

但跌碰多年，令我明白到自己嘅不足。聲、色、藝，樣樣都剛剛好合格，可以應付工作，但無一項技能特別出色。所以而家努力吸收中，希望可以好似吸水海綿咁，吸多啲學多啲，吸到滴水，磨練好自己把刀先。

雖然在電視劇未做到女主角，但我都做過兒童舞台劇《小白雪勇闖動漫城》女主角和微電影《港女聖經3條》女主角，好感恩。

自己真系好鍾意演戲，希望可以成為獨當一面、有創造力嘅女演員，目標張曼玉。現在正向住這個目標努力奮鬥。

古語有云十年磨一劍，下一年便拍劇拍足十年，未知又會否迎來新機會呢？

Lacee Lacey這隊組合很快解散了。（網上圖片）

在《超時空男臣》中，雖然都只是女配角，但由於她跟女主角王君馨經常在一起，所以戲份比起以前的劇更多，她說：

其實公司一直給我好多工作機會，多謝監製Marco選我演出《超時空男臣》，令我學到好多好多，因為戲中飾演王君馨的助手，出鏡率好高，可以長期跟住劇組學習。因為咁好開心和君馨成為了好朋友，她和我分享了好多。今次拍攝最難忘的，是可以跟劇組返佛山拍攝，當中有好多動作場面，特別系蕭正楠劫走王君馨果場戲，好多鏡頭都系一take過完成，好專業。令我明白自己要加倍努力。

《超時空男臣》是她比較多戲份的劇。（周麗欣Instagram）

無線人工一直都不太高，尤其對一些配角演員，Doris就表示曾經試過一個月只有$2,500人工，她表示：

入行咁多年，爆show時平均每月人工維持系15,000左右，有時未出爆show錢，試過最低出$2,500人工一個月，勉強維持到生活，但自己份人工買唔倒樓。有時總要屋企人支持，好彩唔使交租同雜費，亦都唔使我俾家用，加埋自己啲積蓄都勉強可以。好彩我自己本身唔鍾意出街，人工低嘅時候唯有出少啲街留喺屋企，咁就捱到過去。不過都好彩我多數都爆show，都唔會成日出現呢個情況。