王浩信接受電台訪問，講到劇集《不懂撒嬌的女人》收視及口碑好，他多謝網友及觀眾支持：「大家討論先製造咗話題，慢慢將收視推高。」講到他飾演的Saving與唐詩詠的Cherry本是sad ending，但最後補拍了一個open ending，他表示較喜歡sad ending：「遺憾系會刻骨銘心啲，先可以長留觀眾嘅心。」講到結局中由笑變喊的一幕戲被大家推舉做視帝，王浩信表示：「大家有咁嘅想法我已經當攞咗，不過依家先系年中，嚟緊都仲有好多好好嘅劇集。」他亦幫Cherry平反，表示她是因為愛Saving、想他事業有成才選擇離開他，他亦謂自己睇大結局時都有喊。

王浩信又講到與詩詠都是入行多年，但今次才首次合作，他謂大家之前都儲落經驗，故現時才合作便有好好火花，他又笑住踢爆天生詩詠就懂撤嬌。問到可會拍續集？他表示：「未聽到消息，但佢哋都商討緊睇嚇有冇呢個空間，所以如果大家有咁嘅諗法，可以喺網上講多啲。」講到他在劇集中有唱《陪著你走》，問到可會想唱番歌做歌手？他謂：「我鍾意唱歌，但未有呢個確實嘅諗法，如果主題曲或合唱都會，好似我同譚嘉儀合唱咗《陪著你走》，我系代Saving唱番畀Cherry聽。」