本人就28 ，單身好耐，

一定吾係靚女，但都吾樣衰。

總之就平平凡凡的女仔一個（28仲叫自己女仔係因為零成熟女人味）。

由於圈子都係女性朋友多，工種又係女人多，所以基本上係識吾到男仔。

成日覺得自己唔港女，但總係遇唔到好男仔，所以好傷心又冇自信，

見到身邊有朋友網戀成功，差吾多結埋婚，於是都開始down 交友apps 玩。

咁耐以來，有的只傾左好耐但冇出街，有的出過街但吾適合，有個差啲成功發展，不過就冇搵sp既（唔接受）。

個交友apps係如果大家都係互like 大家就可以傾計（我諗大部分都係咁）...

自己性格&樣都係斯文乖巧類型，

所以揀既人都偏向呢類型，

外國人、靚仔、d 大相有車哂名牌的一定吾會match,

望落貪玩（例如寫中意飲酒，party之類）既都吾會

因為就算match 到都吾會夾。

老實講，個app 都係睇樣行先，所以樣衰或毒既都吾會like..

通常like 既會有一半會成功配對到

但配到之後會主動傾計既我諗得2~3成。

我主動性較低，有人傾就傾，冇人傾就算，通常都係等人同我講野先。

一開始玩其實好悶，同啲人傾得吾長，

有時傾左一陣，點知原來係搵sp (仲要個樣完全唔似）又或者sell 美容...

本想吾再玩，但當時被迫放大假，所以時間比較多斷斷續續玩左2星期左右，

開始識到一個男護士，差唔多年紀又幾岩傾，開始第一個傾得幾唔錯，有出pool 曙光既...