踏入7月份又係時候同大家總結一下，今年上半年播出嘅劇集入面，表演最差嘅女主角。早前有討論區已經出現提名名單，一班網民都好踴躍投票，暫時最高票數嘅五位女主角有邊位呢？！

第五位：《與諜同謀》李佳芯

《與諜同謀》中李佳芯嘅演技就受到網友質疑，話佢冇咩表情，演技又差，唔明佢點做女一。不過都有網友認為佢演技雖然唔算好好，但亦都唔算太差，有進步空間。

第四位：《乘勝狙擊》傅嘉莉

傅嘉莉喺《乘勝狙擊》中幾乎集集著短裙騷長腿玩長髮，雖然佢外表好吸引，但部分觀眾就覺得佢唔多識做戲，劇中好似成日自己同自己講野咁。不過有觀眾認為佢始終係新人，要啲時間去磨練下。

第三位：《財神駕到》傅嘉莉

又係傅嘉莉，觀眾覺得佢喺《財神駕到》演技動作對白生硬，唔識做戲又成日發呆，再加上傅嘉莉私人生活經常俾人討論，因此觀眾覺得佢形象又差，唔係好適合做呢個角色。

第二位：《味想天開》蔡思貝

最差女主角點少得蔡思貝呢？佢由出道到而家成日都俾觀眾話佢把聲太嘈又無演技，仲被網民取笑佢叫「高分貝」。喺《味想天開》中，佢永遠只得個幾個表情。雖然佢曾經以《陀地伏魔人》入圍過金像獎最佳新演員，但唔少網民認為佢始終未能擔正大旗。

第一位：《我瞞結婚了》黃翠如

黃翠如剛加入無綫時主要拍攝旅遊節目，由於佢形象非常貼地又搞笑，因此深得觀眾愛戴。無綫有見及此亦馬上捧佢做女一，差唔多每套佢有份演嘅劇集都係做女主角，仲要係老是常出現個種。好可惜唔少網民對佢嘅演技劣評如潮，認為佢完全唔識做戲、永遠只得一個表情，令佢成功登上最差女主角第一位。